Vs 1
Piti piti, tou piti, twò piti menm
M ap mache, kote m pwale?
M pa fouti di menm
Tèt chaje, tèlman chaje, twò chaje menm
Gwo krent, laperèz
Tou fè m paka dòmi menm
M pa tèlman egzijan sitou alekile
Sèlman vle yon repons pou di m kilès mwen ye
refrain:
Lage m sou tèt mòn kote lanmou blayi kò l pou m ka libere
Mennen mwen kote lanmè a ka lave doulè mwen
Lage m sou tèt mòn kote lanmou blayi kò l pou m ka libere
Mwen vle danse sou tèt nyaj yo
Kè poze ma jwenn
Vs 2
Kenbe n ap kenbe
Men rive on pwen kot kenbe pa ase
Nou lèd nou la, men lèd pa t fèt pou mwen
Ban mwen bote, gerizon kè mwen bezwen
M pa tèlman egzijan sitou alekile
Sèlman vle yon repons pou di m kot wout la ye
Yon moun pou di m “cheri, jou pa w la riveâ€
Yon moman pou m wè klè
refrain:
Lage m sou tèt mòn kote lanmou blayi kò l pou m ka libere
Mennen mwen kote lanmè a ka lave doulè mwen
Lage m sou tèt mòn kote lanmou blayi kò l pou m ka libere
Mwen vle danse sou tèt nyaj yo
Kè poze ma jwenn
bridge:
Pou siye dlo nan je manman mwen
Geri maladi papa mwen
Rann jistis pou frè mwen
Kè kontan pou sè mwen
E pou mwen menm tout sa m ap priye
S on ti gout kè poze
