Jwèt mab
Mwen san lè ba-w légen
m-pap tann ou fè koken
Jwèt la pat pou anyen
ou mèt rélé-m kréten.
Lékad dépi opa
boul pik kè-m toujou mò
Lò-w renmen sé traka
santiman bay rémò.
Kadav lanmou-m boulé
wonn nan ak kè-m mélé
Lanmou pa konn parryé
sé bay san kalkilé.
Malgré mélankoli
lò-w bay ou pa pèdi
Menm si boul pik félé
jwèt la rékòmansé.
Si-w vlé m-ap ba-w légen
tanpri pa fè koken
Chak moun ap pran-w chimen
pèsonn pa janm genyen.
Jwèt mab, bouchon kola
piti ap fè déga
Gwo nèg ap bay zoklo
renmen sé chay sou do.
Kadav lanmou-m boulé
wonn nan ak kè-m mélé
Lanmou pa konn parryé
sé bay san kalkilé.
Malgré mélankoli
lò-w bay ou pa pèdi
Menm si boul pik félé
jwèt la rékòmansé.
Lyrics: Jean Winer PASCAL
Music Beethova Obas
Album: Planet la, 1999
