[Verse 1]
Nou tout ap Fè sanblan nou byen men nou mal
Nou bay vizaj moun ki ge men o fon nou kal
Figi nou make jwa men andan nou pal
Nou santi bon byen abiye men andan nou sal
Mond lan vin tèlman fake je donne raison à qui vit seul
Pa gen koup ki solid tout mare a ti fisèl
Ou pa konn ki fanm ki pa bon tout gen vizaj a ti pucelle
Pa gen moun ki vrè tout moun atifisyèl
Nou pito envante on vi pito n afiche nou jan n ye a
Bay tet nou manti olye nou pran lavi jan l ye a
Pa gen nou youn ki pou chanjman
Donk nou chak chwazi yon klan
Nou youn pa vle onèt donk nou chak chwazi yon plan
Tout moun vle lapè men ki moun ki fè premye pa a hein
Tout moun vle ede ki moun ki leve premye bra hein
Tout moun vle pataje men ki moun ki bay premye pla hein
Kile nap gen kran pou n di se nou k fè premye ka hein
Lanmou nou fake
Aparans nou fake
Souri nou fake
Wi nou tout fake
Nou tout gen kè nan men men n pap separe lè se pa nou
Annik chita n toujou wè sa n ta fè lè se pa nou
[Hook]
Pa gen moun ki onèt, pa gen moun ki vrè
Figi nou tout makiye pa gen moun ki fyè
Je nou tout kale men pa gen moun ki wè
Mond nan ap depafini men pa gen moun ki care
[Verse 2]
Nou tout ap viv nan manti nou programe kon PC
Aparans nou fo e pèsonalite n konprese
On se voile la face e pa gen moun ki konfese
Nou pè jijman lòt lè n san makiyaj nou konplekse
Lè figi w pa gen make up ou pa gen fo zong
Ou pa gen fo cheve ou twouve ou lèd
Lè w pa twouve w twò nwè ou pa gen bouda
Le w pa twouve w two gwo ou twouve ou meg
Men se pa fòt nou se fòt sosyete a
Ou santi w pi fo pou w preche fo de sa w swete a
Nou pa fyè de sa nou ye nou kache dèyè maskara
Nou tèlman pè jijman lòt nou sanble yon bann maskarad
Nou pa fyè de jan nap viv nou parèt ak yon lòt klas
N ap chanje koulè nou pou n sanble ak yon lòt ras
Yo pa konn ki moun nou ye koz nou parèt a yon lòt plas
Nou pa gen idantite chak jou n parèt a yon lòt fas
[Hook]
