Kolé zépòl
An-n chiré dèy, krazé sèkèy
pati, kouri dèyè solèy
An-n rékonstri sa-k mal bati
an-n fè-l tounen pèl dè zanti.
An-n kléré jé tout abitan
k-ap lité dépi dikdantan
Lò yo planté, san rékòlté
sé pènn pèdi, sé san, sé swé.
Bati lékòl
palé kréyòl
Kolé zépòl
ak tout frè Pòl.
Maché présé
tan finn pasé
Lévé kanpé
pou-n délivré.
An-n chaviré, monté nan mònn
ak la mizè n-ap twoké kònn
Kont éwozyon, inondasyon
an-n fè lévé youn lòt sézon.
Pou moun sispann soufri, mouri
pou tout pitit tè D’Ayiti.
Pou tout lobo tounen pwézi,
tanbou, banbou ak la kilti.
Bati lékòl
palé kréyòl
Kolé zépòl
ak tout frè Pòl.
Maché présé
tan finn pasé
Lévé kanpé
pou-n délivré.
Lyrics: Jean Winer PASCAL
Music: Beethova Obas
Album: 2nd prize, second Konkou Mizik American Air Lines.
August 1987
